Genesis 18
Lengla Thumte
1Mamre singpite kianga puanbuk kongah nisat laitakin Abraham tu-a tua laitakin ama tungah TOPA kilang hi. 2Abraham khuadak to a, ama kiang mahmah a ding mi thum a mu hi. Amaute a muh ciangin a puanbuk kong panin manlangin va dawna lei lamah kunsuk hi. 3 Amah in, “Ka topa ▼▼18.3 Ahikeh Topa aw
aw, angvan taak nong sak uh leh na nasempa hong kheng kei un. 4Tui tawm i lasak dinga na khe uh silin hih sing nuai-ah na khawl phot ding uh hi. 5Na tawldam theih nadingun nek ding na khat ka va la ding hi; tua khit ciangin paisuak un - tu-in na nasempa kiang na tung zo uh hi,” ci hi. Amaute in, “Hoih mahmah hi, na cih bangin hih in,” ci-in dawng uh hi. 6 Tua ciangin puanbuk sunga Sarah kiangah Abraham pai-a, “Kinawh in, annel hoihte seah ▼▼18.6 Hih pen quart 20 bang pha thei kha ding. (litre 22 bang)
thum mekin anlum tawm em pak in,” ci hi. 7 Tua ciangin ganhon lakah tai-a bawngno dawng khat teelin a nasempa pia-a, tuapa in manlang takin a bawl hi. 8Tua ciangin bawngnawi le bawngnawi khal pawlkhat le bawngno sa minsa tawi-in amaute mai-ah lui hi. Amaute in a nek laitakun amaute kiang sing nuai-ah amah ding hi. 9 Amaute in, “Na zi Sarah koi-ah om hiam?” ci-in amah dong uh hi. Amah in “Hua lai puanbuk sungah,” ci hi. 10 Tua ciangin TOPA ▼▼18.10 Hebrew ah amah
in, “Mai kum tu hun ciangin na kiangah pel loin kong pai dinga na zi Sarah in tapa khat a nei ding hi,” ci hi. d Tua laitakin Sarah in ama nunglam puanbuk sungah na ngai hi. 11Abraham le Sarah tek lua ta in a kum uh tam lua-a, Sarah zong taneih hun nawn lo hi. 12Tua ciangin Sarah in, “Ka vuai khit nung, ka topa ▼▼18.12 Ahikeh pasal
lah tekta-a, hih nopsakna nei buang ding ka hiam?” cih ngaihsun kawmin amah guak a nui hi. f 13 Tua ciangin TOPA in Abraham kiangah, “Bang hang Sarah nui-in, ‘Kei lah tekta inga, ta nei takpi ding ka hiam?’ ci-in nui ahi hiam? 14TOPA adingin na khatpeuh haksa lua ahi hiam, mai kum ciang a kisehsa hunin kong pai kik dinga Sarah in tapa khat nei ding hi,” ci hi. 15 Sarah lau-a, zuau phuakin, “Ka nui kei hi,” a ci hi. Ahi hangin amah in, “Hi mah hi, na nui hi,” ci hi. Abraham in Sodom Ading Thumsak
16 Mite ciah dinga a dinkhiat uh ciangin amaute in Sodom lam ensuk uh hi. Abraham in amaute kha dingin zui hi. 17Tua ciangin TOPA in, “Ka hih dek thu Abraham tungah im ding ka hi hiam? 18Abraham pen a vanglian minam suak taktak dinga ama tungtawnin leitunga minam khempeuh thupha kipia ding hi. 19Ahang in, TOPA in Abraham tunga a ciamsa thu a tunsak theih nading, ama nunga a tate le a innkuanpihte in thuman le thutanga gamtatna tawh TOPA lampi a zuih nadingun amah ka teel zo hi,” ci hi. 20 Tua ciangin TOPA in, “Sodom le Gomorrah langa kikona lian lua-a, amau mawhna uanglua 21ahi manin amau gamtatnasa a kigen ka zakzahin a man hiam, cih en dingin ka paisuk ding hi. A kigen zah ahi kei leh ka thei ding hi,” ci hi. g 22 Tua mite kihei uh a Sodom lam manawh in pai uh hi, ahi hangin TOPA’ ▼▼18.22 Masoretic Bu; Hebrew tang laibu ah, ahi hangin Abraham mai ah TOPA
mai-ah Abraham ding lai hi. 23Tua ciangin Abraham in va naih a, “A thumante migilote tawh siakmang khawm ding na hi hiam? 24Khuapi sungah midik sawm nga om leh bang na cih ding hiam? Tua sunga om midik sawm ngate cihna-in tua mun hawi ▼▼18.24 Ahikeh maisak tg. 26 ah zong
loin siakmang takpi ding na hi hiam? 25A thumaante migilote tawh that khawma, a thumaante le migilote, a kibanga thuaksak ding nang adingin kilawm peuhmah ding ahi hiam? Kilawm peuhmah kei in teh! Leitung khempeuh Thukhenpa ▼▼18.25 Ahikeh Ukpa
in a maan in khen lo ding ahi hiam?” ci hi. k 26 TOPA in, “Sodom khuapi sungah midik sawm nga ka muh leh amaute cihna-in tua mun buppi bangmah ka cih kei ding hi,” a ci hi. l 27 Tua ciangin Abraham in, “Topa tunga thugen dingin bangmah ahi lo, leivui le vut ahi lel khat in hangtakin thu kong gen ngam hi; 28midik, sawmnga sangin nga tawmzaw leh bang na cih ding hiam? Mi ngate hangin khuapi bup na susia ding hiam?” ci leuleu hi. m Amah in, “Tua lai-ah sawm li le nga ka muh leh ka suasia kei ding hi,” ci hi. 29 Amah in khatvei gen kika, “Tua lai-ah sawm li kimu leh bang na cih ding hiam?” a ci hi. Amah in, “Sawm lite cihna in ka susia kei ding hi,” ci hi. 30 Tua ciangin amah in, “Topa aw, heh kei in, hong gensak lai in. Tua lai-ah sawm thum bek kimu thei leh bang na cih ding hiam?” a ci hi. Amah in, “Tua lai-ah sawm thum ka muh leh ka hih kei ding hi,” ci-in dawng hi. 31 Abraham in, “Topa tungah hangtaka thu kong gen ngam khin hi. Tua lai-ah sawm nih kimu leh bang na cih ding hiam?” ci hi. Amah in, “Sawm nihte cihna in ka susia kei ding hi,” ci hi. 32 Tua ciangin amah in, “Topa aw, na heh peuhmah kei in, khatvei bekbek hong gensak lai in, tua lai-ah sawm bek kimu leh bang na cih ding hiam?” ci hi. n Amah in, “Sawmte cihna in ka susia kei ding hi,” ci-in dawng hi. 33 Abraham tawh a kiho a man khit ciangin TOPA in amah nusia a, Abraham a innah ciah hi.
Copyright information for
ZomZIV